Nám og kennsla

Teikning af kennara fyrir framan töfluna í kennslustofu.

Grunnskólar Reykjavíkurborgar vinna eftir aðalnámsskrá grunnskóla með Menntastefnu Reykjavíkurborgar til hliðsjónar. Meginmarkmið stefnunnar er að öll börn vaxi, dafni og uni sér saman í lýðræðislegu samfélagi sem einkennist af mannréttindum og virðingu fyrir fjölbreytileika mannlífs.

 

Norðlingaskóli

Í skólanum er áhersla lögð á hæfnimiðað nám samkvæmt aðalnámskrá grunnskóla þar sem nemendur vinna skólaverkefni ýmist sjálfstætt, með nemendum í sínum árgangi eða í aldursblönduðum hópum. Kennsluaðferðir og vinnubrögð taka tillit til aldurs, þroska og getu nemenda.  

Stuðlað er að einstaklingsmiðun þar sem reynt er að virkja þátttöku nemenda til að hafa áhrif á nám sitt með því að hafa hæfniviðmið sem unnið er að hverju sinni skýr ásamt viðmiðum um árangur þannig að nemandi viti hvert skuli stefna í náminu.  

Í skólastarfinu er lögð áhersla á fjölbreytni í vinnubrögðum og kennsluaðferðum og að nemendur hafi val um fjölbreyttir leiðir til að sýna hæfni sína.  

 

Kennsluáætlanir

Í kennsluáætlunum Norðlingaskóla er lýst inntaki námsins og námsmati sem gefa kennurum, nemendum og foreldrum yfirsýn um það sem fengist er við í kennslunni.  
  • Skoða kennsluáætlanir (er í vinnslu)

  • Námsmat 

     

Skólanámsskrá

Starfsáætlun og upplýsingar á heimasíðu skólans mynda skólanámskrá Norðlingaskóla. 

Í starfsáætlun er að finna sýn og stefnu Norðlingaskóla og helstu áherslur í skólastarfinu á komandi vetri. Kennsluáætlanir eru hluti af skólanámskrá. 
Þær er að finna hér (í vinnslu).